വോട്ടർ ഐഡി കൈവശം സൂക്ഷിക്കാം; ഇനി എളുപ്പം ഓൺലൈനായി ഡൗൺലോഡ് ചെയ്യാം; 2026-ലെ ലളിതമായ ഘട്ടങ്ങൾ ഇതാ.!!

വോട്ടർ ഐഡി കാർഡ് നഷ്ടപ്പെട്ടോ? കൈവശം കാർഡ് ഇല്ലാത്തതിനാൽ ബുദ്ധിമുട്ടുകയാണോ? ഇനി വിഷമിക്കേണ്ട. വീട്ടിലിരുന്ന് മൊബൈൽ ഫോണോ കമ്പ്യൂട്ടറോ ഉപയോഗിച്ച് വോട്ടർ ഐഡി കാർഡിന്റെ ഡിജിറ്റൽ പകർപ്പായ ഇ-എപിക് (e-EPIC) ഡൗൺലോഡ് ചെയ്യാൻ സാധിക്കും. ഇന്ത്യയിലെ തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റ് വഴിയാണ് ഈ സൗകര്യം ലഭ്യമാകുന്നത്. ഇ-എപിക് ഡിജിറ്റൽ രൂപത്തിലുള്ള വോട്ടർ ഐഡി കാർഡാണ്. തിരിച്ചറിയൽ രേഖയായി ഉപയോഗിക്കാനും മൊബൈലിൽ സൂക്ഷിക്കാനും ഇതിലൂടെ സാധിക്കും. 2026-ലും ഈ ഓൺലൈൻ സേവനം പ്രയോജനപ്പെടുത്തി വളരെ എളുപ്പത്തിൽ വോട്ടർ ഐഡി സ്വന്തമാക്കാം.

വോട്ടർ ഐഡി കാർഡ് ഡൗൺലോഡ് ചെയ്യുന്നതിനായി ആദ്യം തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റായ വോട്ടേഴ്‌സ് സർവീസസ് പോർട്ടൽ സന്ദർശിക്കുക. തുടർന്ന് ആവശ്യമായ വിവരങ്ങൾ നൽകി അക്കൗണ്ടിൽ ലോഗിൻ ചെയ്യുക. അക്കൗണ്ട് ഇല്ലെങ്കിൽ മൊബൈൽ നമ്പർ ഉപയോഗിച്ച് രജിസ്റ്റർ ചെയ്യാം. ലോഗിൻ ചെയ്തശേഷം E-EPIC Download എന്ന ഓപ്ഷൻ തിരഞ്ഞെടുക്കുക. തുടർന്ന് വോട്ടർ ഐഡി നമ്പർ (EPIC Number) അല്ലെങ്കിൽ ആവശ്യമായ മറ്റ് വിവരങ്ങൾ നൽകുക.

അടുത്തതായി രജിസ്റ്റർ ചെയ്ത മൊബൈൽ നമ്പറിലേക്ക് ലഭിക്കുന്ന ഒടിപി ഉപയോഗിച്ച് പരിശോധന പൂർത്തിയാക്കുക. വിവരങ്ങൾ ശരിയാണെങ്കിൽ ഇ-എപിക് ഡൗൺലോഡ് ചെയ്യാനുള്ള സൗകര്യം ലഭിക്കും. മൊബൈൽ ഫോൺ വഴി വോട്ടർ ഐഡി ഡൗൺലോഡ് ചെയ്യാം. മൊബൈൽ ഫോണിൽ ലഭ്യമായ വോട്ടർ ഹെൽപ്‌ലൈൻ ആപ്പിലൂടെയും ഇ-എപിക് ഡൗൺലോഡ് ചെയ്യാം. ഔദ്യോഗിക ആപ്പ് ഉപയോഗിച്ച് ലോഗിൻ ചെയ്ത് ആവശ്യമായ വിവരങ്ങൾ നൽകി ഡിജിറ്റൽ കാർഡ് ലഭ്യമാക്കാം.

വോട്ടർ ഐഡി ഡൗൺലോഡ് ചെയ്യുമ്പോൾ ശ്രദ്ധിക്കേണ്ട കാര്യങ്ങൾ
വോട്ടർ ഐഡി നമ്പർ (EPIC Number) കൈവശം സൂക്ഷിക്കുക. രജിസ്റ്റർ ചെയ്ത മൊബൈൽ നമ്പർ പ്രവർത്തനക്ഷമമാണെന്ന് ഉറപ്പാക്കുക.
ഒടിപി പരിശോധന പൂർത്തിയാക്കുക. ഡൗൺലോഡ് ചെയ്ത കാർഡ് PDF രൂപത്തിൽ ഫോണിലോ കമ്പ്യൂട്ടറിലോ സൂക്ഷിക്കുക. മൊബൈൽ നമ്പർ രജിസ്റ്റർ ചെയ്തിട്ടില്ലാത്തതിനാലോ ഒടിപി ലഭിക്കാത്തതിനാലോ ഡൗൺലോഡ് ചെയ്യാൻ കഴിയുന്നില്ലെങ്കിൽ വോട്ടർ സേവന പോർട്ടലിലെ നിർദേശങ്ങൾ പരിശോധിക്കുകയോ ബന്ധപ്പെട്ട ബൂത്ത് ലെവൽ ഓഫീസറുടെ സഹായം തേടുകയോ ചെയ്യാം.

fpm_start( "true" );