Riyan Parag IPL 2024 stats records: റിയാൻ പരാഗ്, ഐപിഎൽ 2024-ന്റെ സെൻസേഷണൽ താരമാണ് ഈ 22-കാരനായ ആസാമിസ് ക്രിക്കറ്റർ. 2019 മുതൽ രാജസ്ഥാൻ റോയൽസിന്റെ ഭാഗമാണ് റിയാൻ പരാഗ്. തുടക്കകാലത്ത്, തുടർച്ചയായി മോശം ഫോമിൽ ആയിരുന്നെങ്കിൽ കൂടി രാജസ്ഥാൻ റോയൽസ് ഈ താരത്തിന് മതിയാവുവോളം അവസരങ്ങൾ നൽകിയിരുന്നു. ഇക്കാര്യത്തിൽ ആരാധകരിൽ നിന്ന് തന്നെ രാജസ്ഥാൻ റോയൽസ് വിമർശനങ്ങൾ നേരിടുകയും ചെയ്തിരുന്നു.
എന്നാൽ, ടീം മാനേജ്മെന്റ് ഈ യുവതാരത്തിൽ വലിയ പ്രതീക്ഷകളാണ് അർപ്പിച്ചിരുന്നത്. സഞ്ജു സാംസൺ രാജസ്ഥാൻ റോയൽസിന്റെ ക്യാപ്റ്റനായി വരികയും, കുമാർ സംഘഗാര പരിശീലക റോൾ ഏറ്റെടുക്കുകയും ചെയ്തതോടെ, റിയാൻ പരാഗിന് ടീമിൽ പൂർണ്ണ പിന്തുണയാണ് ലഭിച്ചിരുന്നത്. ഇരുവരും ഈ യുവതാരത്തിന് പരസ്യമായ പിന്തുണ നൽകുകയും, പ്രതിസന്ധി നേരിടുന്ന ഘട്ടങ്ങളിൽ കൈത്താങ്ങാവുകയും ചെയ്തിട്ടുണ്ട്.
ഐപിഎൽ 2024-ൽ അവിസ്മരണീയ ബാറ്റിംഗ് പ്രകടനമാണ് റിയാൻ പരാഗ് കാഴ്ചവെക്കുന്നത്. ഏറ്റവും ഒടുവിൽ കഴിഞ്ഞ ദിവസം നടന്ന നിർണായകമായ എലിമിനേറ്റർ മത്സരത്തിൽ, റോയൽ ചലഞ്ചേഴ്സ് ബാംഗ്ലൂരിനെതിരെ 26 പന്തിൽ 36 റൺസ് നേടി റിയാൻ പരാഗ് രാജസ്ഥാൻ റോയൽസിന്റെ വിജയത്തിൽ നിർണായക ഭാഗമായി. ഇതോടെ ഈ സീസണിൽ ഇതുവരെ 567 റൺസ് ആണ് റിയാൻ പരാഗ് അടിച്ചു കൂട്ടിയിരിക്കുന്നത്. ഈ സീസണിലെ രാജസ്ഥാൻ റോയൽസിന്റെ ടോപ് സ്കോറർ കൂടിയായ റിയാൻ പരാഗ്,
ഒരു ഐപിഎൽ സീസണിൽ ഏറ്റവും കൂടുതൽ റൺസ് നേടുന്ന നാലാം നമ്പർ ബാറ്റർ :
- 579 – ഋഷഭ് പന്ത് (DC, 2018)
- 567 – റിയാൻ പരാഗ് (RR, 2024)
- 538 – രോഹിത് ശർമ്മ (MI, 2013)
- 513 – ഗ്ലെൻ മാക്സ്വെൽ (RCB, 2021)
- 498 – ദിനേഷ് കാർത്തിക് (കെകെആർ, 2018)
ഒരു ഐപിഎൽ സീസണിൽ ഏറ്റവും കൂടുതൽ റൺസ് നേടുന്ന രാജസ്ഥാൻ റോയൽസ് ബാറ്റർമാരുടെ പട്ടികയിൽ, അജിങ്ക്യ രഹാനെയെ (560 – 2012 സീസൺ) മറികടന്ന് മൂന്നാമതായി. ജോസ് ബറ്റ്ലർ (863 – 2022 സീസൺ), യശാവി ജയ്സ്വാൽ (625 – 2023 സീസൺ) എന്നിവരാണ് ഈ പട്ടികയിൽ ആദ്യ രണ്ടു സ്ഥാനങ്ങളിൽ നിൽക്കുന്നത്. യശാവി ജയ്സ്വാൽ, ഷോൺ മാർഷ് (616 – 2008 സീസൺ) എന്നിവർക്ക് ശേഷം ഒരു ഐപിഎൽ സീസണിൽ ഏറ്റവും കൂടുതൽ റൺസ് നേടുന്ന അൺകേപ്പ്ഡ് ബാറ്റർ ആയും റിയാൻ പരാഗ് മാറി.