“അവനൊരു മൃഗത്തെ പോലെയാണ്” മലൈക്കോട്ടൈ വാലിബനിലെ ചമതകനെ കുറിച്ച് മോഹൻലാൽ

Mohanlal says Danish Sait transforms into a beast in ‘Malaikottai Vaaliban’: ലിജോ ജോസ് പെല്ലിശ്ശേരി സംവിധാനം ചെയ്ത ‘മലൈക്കോട്ടൈ വാലിബൻ’ എന്ന ചിത്രത്തിൽ മലയാളികൾക്ക് അത്ര പരിചിതമല്ലാത്ത നിരവധി അഭിനേതാക്കൾ അഭിനയിച്ചിട്ടുണ്ട്. അതിൽ ഒരാളാണ്, കന്നഡ കോമേഡിയനായ ഡാനിഷ് സെയ്ത്. ‘ചമതകൻ’ എന്ന കഥാപാത്രത്തെയാണ് ലിജോ ജോസ് പെല്ലിശ്ശേരിയുടെ

ഫാന്റസി ആക്ഷൻ ചിത്രത്തിൽ ഡാനിഷ് അവതരിപ്പിക്കുന്നത്. പോസ്റ്ററിലെ കഥാപാത്രത്തിന്റെ ലുക്ക് കണ്ടാൽ, ചിത്രത്തിലെ വില്ലനായി ഡാനിഷിനെ തോന്നിയേക്കാം. എന്നാൽ, ഇതുമായി ബന്ധപ്പെട്ട് യാതൊരു സൂചനയും ചിത്രത്തിന്റെ അണിയറ പ്രവർത്തകർ പുറത്ത് വിട്ടിട്ടില്ല. അതേസമയം, ചിത്രത്തിലെ നായകൻ മോഹൻലാൽ, ഒരു അഭിമുഖത്തിൽ ഡാനിഷ് എന്ന നടനെക്കുറിച്ചും അദ്ദേഹം അവതരിപ്പിച്ച കഥാപാത്രത്തെക്കുറിച്ചും പറയുകയുണ്ടായി.

ഡാനിഷ് ഒരു അതിശയകരമായ നടൻ ആണ് എന്ന് അവകാശപ്പെട്ട മോഹൻലാൽ, അദ്ദേഹം ഒരു കോമേഡിയൻ ആണ് എന്ന് തനിക്ക് മനസ്സിലാക്കാൻ സാധിച്ചില്ല എന്നും പറഞ്ഞു. ‘മലൈക്കോട്ടൈ വാലിബൻ’-ൽ ഡാനിഷ് അവതരിപ്പിച്ച കഥാപാത്രത്തെ, തനിക്ക് ഒരു ഹൈനയായി സങ്കൽപ്പിക്കാനാണ് തോന്നുന്നത് എന്നും മോഹൻലാൽ പറഞ്ഞു. ഡാനിഷ് ‘മലൈക്കോട്ടൈ വാലിബൻ’-ൽ അഭിനയിച്ച രീതി അവിശ്വസനീയമാണ് എന്ന് പറഞ്ഞ മോഹൻലാൽ,

ലിജോക്കൊപ്പം ആദ്യം ഡാനിഷ് അവതരിപ്പിച്ച കഥാപാത്രത്തെ കുറിച്ച് ചർച്ച ചെയ്തപ്പോൾ, അവൻ ഒരു കഴുതപ്പുലിയെ പോലെ ആയിരിക്കണമെന്ന് താൻ അഭിപ്രായപ്പെട്ടു എന്നും, ഡാനിഷ് അത് സൃഷ്ടിച്ചു എന്നും, അവൻ ഒരു മൃഗത്തെ പോലെ ആ കഥാപാത്രത്തെ എത്തിച്ച രീതി അവിശ്വസനീയമാണ് എന്നും മോഹൻലാൽ പറഞ്ഞു. ഡാനിഷ് വളരെ സുന്ദരനാണ്, എന്നാൽ സിനിമയിൽ അവൻ ഒരു മൃഗത്തെ പോലെയാണ് എന്ന് മോഹൻലാൽ കൂട്ടിച്ചേർത്തു.