അപ്പുവും കല്യാണിയും!! ‘വർഷങ്ങൾക്ക് ശേഷം’ ടൈറ്റിൽ കഥാപാത്രങ്ങളെ പരിചയപ്പെടുത്തി മോഹൻലാൽ
Pranav Mohanlal and Kalyani Priyadarshan in Varshangalkku Shesham
Mohanlal presenting Pranav Mohanlal and Kalyani Priyadarshan in Varshangalkku Shesham: പ്രണവ് മോഹൻലാൽ, ധ്യാൻ ശ്രീനിവാസൻ, കല്യാണി പ്രിയദർശൻ തുടങ്ങിയവരെ പ്രധാന കഥാപാത്രങ്ങളിൽ അവതരിപ്പിച്ച് വിനീത് ശ്രീനിവാസൻ സംവിധാനം ചെയ്യുന്ന ‘വർഷങ്ങൾക്ക് ശേഷം’ എന്ന ചിത്രത്തിന്റെ ടീസർ കഴിഞ്ഞദിവസം പുറത്തുവന്നിരുന്നു. ചിത്രത്തിലെ പ്രധാന
കഥാപാത്രങ്ങളെ എല്ലാം പരിചയപ്പെടുത്തുന്നതായിരുന്നു ടീസർ. മലയാള സിനിമയുടെ സൂപ്പർസ്റ്റാർ മോഹൻലാൽ ആണ് ടീസർ പുറത്തിറക്കിയത്. ഇപ്പോൾ, പ്രണവ് മോഹൻലാലിന്റെയും കല്യാണി പ്രിയദർശന്റെയും ക്യാരക്ടർ പോസ്റ്റർ പങ്കുവെച്ചിരിക്കുകയാണ് മോഹൻലാൽ. “‘വർഷങ്ങൾക്ക് ശേഷം’-ത്തിലെ പ്രണവ് മോഹൻലാലിനെയും കല്യാണി പ്രിയദർശനെയും അവതരിപ്പിക്കുന്നു,” എന്ന വാചകത്തോടെയാണ് മോഹൻലാൽ ക്യാരക്ടർ പുറത്തുവിട്ടത്.
വിനീത് ശ്രീനിവാസൻ സംവിധാനം ചെയ്ത ചിത്രം ഏപ്രിൽ 11-ന് റിലീസ് നിശ്ചയിച്ചിരിക്കുന്നു. വൈശാഖ് സുബ്രഹ്മണ്യം ആണ് ചിത്രം നിർമ്മിച്ചിരിക്കുന്നത്. അതിഥി വേഷത്തിൽ നിവിൻ പോളി എത്തുന്ന ചിത്രത്തിൽ, ബേസിൽ ജോസഫ്, അജു വർഗീസ്, നീരജ് മാധവ് തുടങ്ങി വലിയ ഒരു താരനിര തന്നെ അണിനിരക്കുന്നു. ‘ഹൃദയം’ എന്ന ചിത്രത്തിനു ശേഷം പ്രണവ് മോഹൻലാൽ വെള്ളിത്തിരയിൽ
എത്തുന്ന ചിത്രം കൂടിയാണ് ‘വർഷങ്ങൾക്ക് ശേഷം’. പ്രണവ് മോഹൻലാൽ – കല്യാണി പ്രിയദർശൻ കോമ്പോയെ കേന്ദ്ര കഥാപാത്രങ്ങളിൽ അവതരിപ്പിച്ച് വിനീത് ശ്രീനിവാസൻ സംവിധാനം ചെയ്ത ‘ഹൃദയം’ തിയേറ്ററുകളിൽ വലിയ വിജയം നേടിയിരുന്നു. ഇതിന്റെ ആവർത്തനമാണ് ‘വർഷങ്ങൾക്ക് ശേഷം’ കൊണ്ടും അണിയറ പ്രവർത്തകർ പ്രതീക്ഷിക്കുന്നത്. പ്രേക്ഷകരും വലിയ പ്രതീക്ഷയാണ് ചിത്രത്തിൽ പുലർത്തുന്നത്.