'കാതൽ - ദി കോർ' റിലീസ് വൈകുന്നത് എന്തുകൊണ്ട്!! മറുപടി നൽകി നിർമ്മാതാവ് കൂടിയായ മമ്മൂട്ടി

Mammootty reveal Kathal The Core movie release date : മമ്മൂട്ടി – ജ്യോതിക എന്നിവർ കേന്ദ്ര കഥാപാത്രങ്ങളിൽ എത്തുന്ന ‘കാതൽ – ദി കോർ’ എന്ന ചിത്രം 2022-ലാണ് പ്രഖ്യാപിച്ചതാണ്. 2022 നവംബറിൽ ചിത്രത്തിന്റെ ഷൂട്ടിംഗ് അവസാനിച്ചതായും, 2023 ജനുവരി മാസത്തിൽ ചിത്രത്തിന്റെ പോസ്റ്റ് പ്രൊഡക്ഷൻ വർക്കുകൾ ആരംഭിച്ചതായും റിപ്പോർട്ടുകൾ ഉണ്ടായിരുന്നു.

ഇപ്പോൾ, ചിത്രത്തിന്റെ ഷൂട്ടിംഗ് പൂർത്തിയായി ഒരു വർഷത്തിലേക്ക് അടുക്കുകയാണ്. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെ നിർമ്മിച്ച ഈ ചിത്രം ജിയോ ബേബി ആണ് സംവിധാനം ചെയ്തിരിക്കുന്നത്. മമ്മൂട്ടിയും ജ്യോതികയും കേന്ദ്ര കഥാപാത്രങ്ങളിൽ എത്തുന്നതിനാൽ തന്നെ മലയാള സിനിമ പ്രേമികൾ ‘കാതൽ – ദി കോർ’-നെ വലിയ പ്രതീക്ഷയോടെയാണ് കണ്ടിരുന്നത്. ചിത്രത്തിന്റെ റിലീസുമായി ബന്ധപ്പെട്ട അനിശ്ചിതത്വങ്ങൾക്ക് ഇപ്പോൾ മമ്മൂട്ടി തന്നെ മറുപടി നൽകിയിരിക്കുന്നു.

ഇത് ഒരു ഫാമിലി ചിത്രമാണ് എന്ന് നേരത്തെ തന്നെ അണിയറ പ്രവർത്തകർ വ്യക്തമാക്കിയിരുന്നു. മമ്മൂട്ടി നായകനായി എത്തുകയും അദ്ദേഹം തന്നെ നിർമ്മിക്കുകയും ചെയ്ത ‘കണ്ണൂർ സ്ക്വാഡ്’ ഇപ്പോൾ തിയേറ്ററുകളിൽ വിജയകരമായി പ്രദർശനം തുടരുകയാണ്. ഈ ചിത്രത്തിന്റെ പ്രമോഷൻ വേളയിൽ ആണ്, ‘കാതൽ – ദി കോർ’-ഉമായി ബന്ധപ്പെട്ട ചോദ്യത്തിന് മമ്മൂട്ടി മറുപടി നൽകിയത്. ‘കാതൽ – ദി കോർ’ ഒരു ഫാമിലി ചിത്രമാണ് എന്ന് ആവർത്തിച്ച മമ്മൂട്ടി, എന്നിരുന്നാലും ചിത്രത്തിൽ

ഒരുപാട് പ്രത്യേകതകൾ ഉണ്ട് എന്ന് വ്യക്തമാക്കി. ‘കാതൽ – ദി കോർ’ റിലീസ് ചെയ്യാൻ ഒരുങ്ങുമ്പോൾ മറ്റു പല വലിയ പ്രോജക്ടുകളും വന്നതിനാൽ ആണ് റിലീസ് വൈകുന്നത് എന്ന് അദ്ദേഹം പറഞ്ഞു. എന്തുതന്നെയായാലും, ഇനി ‘കാതൽ – ദി കോർ’-ന്റെ റിലീസ് പരിപാടികൾ നോക്കണം എന്നും മമ്മൂട്ടി അറിയിച്ചു. ചിത്രത്തിന്റെ റിലീസ് തിയേറ്ററുകളിൽ തന്നെയായിരിക്കും എന്നതിന്റെ സൂചനയാണ് മമ്മൂട്ടി നൽകിയിരിക്കുന്നത്.