Bhavana celebrates six glorious years of marriage: മലയാള സിനിമ പ്രേമികളുടെ ഓർമ്മയിൽ നിലകൊള്ളുന്ന നിരവധി കഥാപാത്രങ്ങൾ അവതരിപ്പിച്ചിട്ടുള്ള നടിയാണ് ഭാവന. കമൽ സംവിധാനം ചെയ്ത ‘നമ്മൾ’ എന്ന ചിത്രത്തിലൂടെ അഭിനയത്തിൽ അരങ്ങേറ്റം കുറിച്ച ഭാവന, പിന്നീട് ഒരുപിടി മികച്ച വേഷങ്ങൾ മലയാള സിനിമകളിൽ ചെയ്തു. മലയാള ഫിലിം ഇൻഡസ്ട്രിയിൽ
സജീവമായതിന് ഇടയിൽ തമിഴ്, തെലുങ്ക്, കന്നഡ തുടങ്ങിയ ഭാഷകളിലും ഭാവന തന്റെ സാന്നിധ്യം അറിയിച്ചു. എന്നാൽ, 2018-ൽ വിവാഹിതയായതിനുശേഷം ഭാവന സിനിമയിൽനിന്ന് ഒരു ഇടവേള എടുക്കുന്നതാണ് കണ്ടത്. കന്നഡ ഫിലിം നിർമ്മാതാവായ നവീനെയാണ് ഭാവന വിവാഹം കഴിച്ചത്. ഇരുവരുടെയും പ്രണയവിവാഹം ആയിരുന്നു. 2018 ജനുവരി 22-നായിരുന്നു വിവാഹം.
ഇന്ന് (2024 ജനുവരി 22) ഭാവന തന്റെ ആറാം വിവാഹ വാർഷികം ആഘോഷിക്കുകയാണ്. ഈ വേളയിൽ, ഒരേ സമയം ഒരു നൊടി പോലെ ജീവിതം മുന്നോട്ടു പോയതായി തോന്നുന്നു, എന്ന ആശയം കുറിച്ചുകൊണ്ട് ഭാവന സോഷ്യൽ മീഡിയയിൽ തന്റെ വിവാഹ ചിത്രങ്ങൾ പങ്കുവെച്ചു. ഓർമ്മയിലെ മനോഹരമായ നിമിഷങ്ങളാണ് ഭാവന വിവാഹ വാർഷിക ദിനത്തിൽ പങ്കുവെച്ചിരിക്കുന്നത്.
ഭാവനക്ക് നിരവധി ആളുകൾ വിവാഹ വാർഷിക ആശംസകൾ അറിയിക്കുകയും ചെയ്യുന്നു. ഭാവനയുടെ സിനിമ വിശേഷങ്ങളിലേക്ക് വന്നാൽ, ഷാജി കൈലാസ് സംവിധാനം ചെയ്ത ‘ഹണ്ട്’ എന്ന ചിത്രമാണ് ഇനി മലയാളത്തിൽ റിലീസിന് ഒരുങ്ങുന്നത്. അതേസമയം, കന്നഡയിൽ ‘പിങ്ക് നോട്ട്’, ‘കേസ് ഓഫ് കൊണ്ടന’ എന്നീ സിനിമകളും, തമിഴിൽ ‘ദി ഡോർ’ എന്ന സിനിമയും ചിത്രീകരണം പുരോഗമിക്കുന്നു.