“ടി20-കളിലെ എൻ്റെ പ്രകടനം മികച്ചതല്ല” ഇന്ത്യ വൈസ് ക്യാപ്റ്റൻ ശുഭ്മാൻ ഗിൽ തുറന്നു പറയുന്നു
വരാനിരിക്കുന്ന ശ്രീലങ്കൻ പര്യടനത്തിലെ ഏകദിന – ടി20 പരമ്പരകളിൽ ഇന്ത്യയുടെ വൈസ് ക്യാപ്റ്റൻ ചുമതല വഹിക്കുന്നത് ശുഭ്മാൻ ഗിൽ ആണ്. ഏകദിന പരമ്പരയിൽ രോഹിത് ശർമ്മയുടെയും ടി20 യിൽ സൂര്യകുമാർ യാദവിന്റെയും ഡെപ്യൂട്ടി ആയിരിക്കും ഗിൽ. നേരത്തെ, ഇന്ത്യ ജേതാക്കളായ ടി20 ലോകകപ്പിൽ, ടീമിന്റെ ട്രാവലിംഗ് റിസർവുകളിൽ ഒരാളായിരുന്നു ഗിൽ.
കഴിഞ്ഞ വർഷം ടി20യിൽ അരങ്ങേറ്റം കുറിച്ച ഗിൽ 19 മത്സരങ്ങളിൽ നിന്ന് ഒരു സെഞ്ചുറിയും മൂന്ന് അർധസെഞ്ചുറിയും സഹിതം 505 റൺസ് നേടിയിട്ടുണ്ട്. കഴിഞ്ഞ വർഷം ആദ്യം അഹമ്മദാബാദിൽ ന്യൂസിലൻഡിനെതിരെ 126 നേടിയത് മാറ്റിനിർത്തിയാൽ, ഗിൽ കുട്ടിക്രിക്കറ്റിൽ ഉയർന്ന സ്‌കോറുകൾ കണ്ടെത്താൻ ബുദ്ധിമുട്ടുന്നതായിയാണ് കാണപ്പെട്ടത്. ഇപ്പോൾ, ടി20 ലോകകപ്പിന് മുമ്പ് താൻ ഈ ഫോർമാറ്റിൽ പ്രതീക്ഷയ്‌ക്കൊത്ത് ഉയർന്നിട്ടില്ലെന്ന് സമ്മതിക്കുകയാണ് ശുഭ്മാൻ ഗിൽ. “ഈ വർഷത്തെ ലോകകപ്പിന് മുമ്പുള്ള T20I കളിലെ എൻ്റെ പ്രകടനം
ഞാൻ പ്രതീക്ഷിച്ചത് പോലെ ആയിരുന്നില്ല. വരാനിരിക്കുന്ന സൈക്കിളിൽ – ഞങ്ങൾ 30-40 T20Iകൾ കളിക്കുമെന്ന് ഞാൻ കരുതുന്നു [അടുത്ത T20 ലോകകപ്പിന് മുമ്പ്] – ഞാൻ ബാറ്റിംഗിൻ്റെ കാര്യത്തിൽ എൻ്റെ പ്രകടനം മെച്ചപ്പെടുത്തും, കൂടാതെ ഒരു ടീമെന്ന നിലയിലും [നമുക്ക് മെച്ചപ്പെടാം],” ശ്രീലങ്കയ്‌ക്കെതിരായ ടി20 ഐ പരമ്പരയ്ക്ക് മുമ്പുള്ള പത്രസമ്മേളനത്തിൽ ഗിൽ പറഞ്ഞു. സിംബാബ്‌വെക്കെതിരെയുള്ള പരമ്പരയിൽ യശസ്വി ജയ്‌സ്വാളിനൊപ്പം ഗിൽ ഓപ്പൺ ചെയ്തിരുന്നു. യഥാക്രമം 36, 93 നോട്ടൗട്ട്, 12 എന്നിങ്ങനെ സ്‌കോറുകൾ നേടി.
”ഞങ്ങൾ (ജയ്‌സ്വാളിനൊപ്പം) പരസ്പരം ബാറ്റ് ചെയ്യുന്നത് ശരിക്കും ആസ്വദിക്കുന്നു. പ്രത്യേകിച്ച് ഞങ്ങൾ കളിക്കുന്ന തരത്തിലുള്ള ഷോട്ടുകൾ, ഞങ്ങൾ മുമ്പ് കളിച്ച ഏത് ടി20യിലും ഞങ്ങൾക്ക് നല്ല കൂട്ടുകെട്ടുകൾ ഉണ്ടായിരുന്നു; രണ്ട് കൂട്ടുകെട്ടുകൾ 150-ആണ്. കൂടാതെ ഞങ്ങൾക്കിടയിൽ മികച്ച ധാരണയും ആശയവിനിമയവുമുണ്ട്, അദ്ദേഹത്തോടൊപ്പം ബാറ്റ് ചെയ്യുന്നത് എനിക്ക് രസകരമാണ്,” ഗിൽ കൂട്ടിച്ചേർത്തു. ഇന്ത്യയുടെ ശ്രീലങ്കൻ പര്യടനം ജൂലൈ 27 ശനിയാഴ്ച പല്ലേക്കെലെ ഇൻ്റർനാഷണൽ ക്രിക്കറ്റ് സ്റ്റേഡിയത്തിൽ ഉദ്ഘാടന ടി20യോടെ ആരംഭിക്കും. Shubhman Gill comments on his T20 performance