പൊന്നമ്മ ചേച്ചിയോട് ഒപ്പം മലയാളത്തിന്റെ രണ്ട് നടന വിസ്മയങ്ങൾ, ഇതൊരു സ്നേഹം നിറഞ്ഞ ഒത്തുചേരൽ

Malayalam actors visits legendary actress Ponnamma: ഒരുകാലത്ത് മലയാള സിനിമയിലെ നായികാവസന്തത്തിൽ പൂത്തുലഞ്ഞ് തളിർത്തു നിന്നിരുന്ന വ്യക്തിയാണ് കവിയൂർ പൊന്നമ്മ. പിന്നീട് അമ്മ വേഷങ്ങളിലേക്കും താരം കടന്നെത്തി. മലയാള സിനിമയിൽ തന്റെ ജീവിതത്തിന്റെ മുക്കാൽപങ്കും അഭിനയിച്ച് തീർത്ത വ്യക്തി.

സിനിമയിലെ തന്റെ 65 വർഷങ്ങൾക്ക് ശേഷം ഇപ്പോൾ വടക്കൻ പറവൂർ കരിമാളൂരിലെ വസതിയിൽ വിശ്രമജീവിതത്തിലാണ് താരം. നീണ്ട അറുപതാണ്ടു കൊണ്ട് എഴുനൂറിൽപരം സിനിമകളിലാണ് പൊന്നമ്മ അഭിനയിട്ടുള്ളത്. 2021ൽ റിലീസ് ചെയ്ത ‘ആണും പെണ്ണും’ എന്ന ആന്തോളജി ചിത്രമാണ് കവിയൂർ പൊന്നമ്മയുടെതായി അവസാനം ഇറങ്ങിയ ചിത്രം. നാലുതവണ ഏറ്റവും മികച്ച രണ്ടാമത്തെ നടിക്കുള്ള സംസ്ഥാന പുരസ്കാരവും താരം കരസ്ഥമാക്കിയിട്ടുണ്ട്. കരിമാളൂരിലെ വസതിയിൽ

കുടുംബത്തോടൊപ്പം ജീവിതം നയിക്കുകയാണ് താരം. ഇപ്പോഴിതാ താരത്തെ കാണാൻ രണ്ട് അതിഥികൾ വീട്ടിലെത്തിയ ചിത്രമാണ് സമൂഹമാധ്യമങ്ങളിൽ വൈറലാകുന്നത്. അതിഥികൾ എന്ന് പറഞ്ഞാൽ സെലിബ്രിറ്റികൾ കൂടിയാണ്. നടൻ ജഗദീഷും, ബൈജു സന്തോഷുമാണ് താരത്തെ കാണാൻ എത്തിയിരിക്കുന്നത്. കവിയൂർ പൊന്നമ്മയ്ക്കൊപ്പമുള്ള ചിത്രമാണ് ഇവർ പങ്കുവെച്ചിരിക്കുന്നത്. “പൊന്നമ്മ ചേച്ചിയോടൊപ്പം ” എന്നാണ് പങ്കുവെച്ച ചിത്രത്തിന് താഴെയുള്ള കുറിപ്പ്.

ഏതായാലും നിമിഷനേരങ്ങൾ കൊണ്ടാണ് ഈ ചിത്രം പ്രേക്ഷകർ ഏറ്റെടുത്തിരിക്കുന്നത്. തന്റെ ഇളയസഹോദരനും കുടുംബത്തിനുമൊപ്പമാണ് വർഷങ്ങളായി താമസിക്കുന്നതെന്നും അവരാണ് തന്റെ കാര്യങ്ങൾ നോക്കുന്നത് എന്നും കവിയൂർ പൊന്നമ്മ നേരത്തെ പറഞ്ഞിരുന്നു.