ജന്മദിനാശംസകൾ അമ്മാഞ്ചി!! കുടുംബത്തിനൊപ്പം അമ്മയുടെ സ്പെഷ്യൽ ഡേ ആഘോഷമാക്കി കുഞ്ചാക്കോ ബോബൻ
Kunchacko Boban mother birthday celebration. Kunchacko Boban family
Kunchacko Boban mother birthday celebration: മലയാളികളുടെ ഇഷ്ടം പിടിച്ചുപറ്റി, ചോക്ലേറ്റ് നായകൻ എന്ന് പേര് നേടിയ നടനാണ് കുഞ്ചാക്കോ ബോബൻ. അനിയത്തിപ്രാവ് എന്ന ചിത്രത്തിലൂടെ തന്നെ മലയാള സിനിമയിലെ ശ്രദ്ധേയനായി മാറിയ താരം പിന്നീട് നിരവധി ചിത്രങ്ങളിൽ ശ്രദ്ധേയമായ വേഷങ്ങളിൽ പ്രത്യക്ഷപ്പെടുകയുണ്ടായി.
സിനിമ ജീവിതത്തിലും വ്യക്തി ജീവിതത്തിലും കുഞ്ചാക്കോ ബോബനും പൂർണ്ണ പിന്തുണ നൽകുന്നത് ഭാര്യ പ്രിയയും അമ്മ മോളി കുഞ്ചാക്കോയും ആണ്. അതുകൊണ്ടുതന്നെ ഇവരുടെ ജീവിതത്തിലെ ഓരോ നിമിഷങ്ങളും അങ്ങേയറ്റം സന്തോഷം ഉള്ളതാക്കുവാൻ താരം ശ്രമിക്കാറുണ്ട്. ഇപ്പോൾ അമ്മയുടെ എഴുപതാം ജന്മദിനത്തിന്റെ വിശേഷങ്ങൾ ആണ് താരം സോഷ്യൽ മീഡിയയിൽ പങ്കുവെച്ചിരിക്കുന്നത്. കുടുംബാംഗങ്ങൾ എല്ലാവരും ഒന്നിച്ചുള്ള ചിത്രങ്ങളും ഒപ്പം
അമ്മയെ കെട്ടിപ്പിടിച്ചുകൊണ്ടുള്ള വീഡിയോയും താരം പങ്കുവെച്ചിട്ടുണ്ട്. ഇതിനു താഴെ നിരവധി പേരാണ് കമന്റുകളുമായി എത്തിയിരിക്കുന്നത്. അമ്മയ്ക്ക് ജന്മദിന ആശംസകൾ അറിയിച്ചു എത്തിയവർക്ക് മറുപടി നൽകുവാനും കുഞ്ചാക്കോ മറന്നിട്ടില്ല. സോഷ്യൽ മീഡിയയിൽ സജീവമായ താരം തന്റെ കൊച്ചു കൊച്ചു വിശേഷങ്ങൾ പോലും ആളുകളിലേക്ക് എത്തിക്കാറുണ്ട്. എല്ലാകാര്യവും നർമ്മത്തിന്റെ മേമ്പൊടിയോടെ ആണ് താരം പലപ്പോഴും മാധ്യമങ്ങൾക്ക് മുൻപിൽ എത്തിക്കുന്നത് എന്നതും ശ്രദ്ധേയമായ കാര്യമാണ്.
ഏതാണ്ട് നൂറിലധികം ചിത്രങ്ങളിൽ ഇതിനോടകം വേഷങ്ങൾ കൈകാര്യം ചെയ്ത താരത്തിന്റെ ഓരോ കഥാപാത്രവും ഒന്നിനൊന്ന് മികച്ചു നിൽക്കുന്നതായിരുന്നു. ഒരു കാലഘട്ടത്തിൽ കോളേജ് പെൺകുട്ടികളുടെ ഹീറോയായ കുഞ്ചാക്കോ ബോബൻ ഇന്നും പ്രായം മറികടന്നുള്ള അഭിനയമാണ് കാഴ്ചവയ്ക്കുന്നത്. നൃത്ത രംഗങ്ങളും തനിക്ക് വഴങ്ങുമെന്ന് കുഞ്ചാക്കോ ബോബൻ തെളിയിച്ചതാണ്.